Missale Coloniense

Ante medium Altaris signando se ligno sanctæ Crucis:

In nómine Patris et Fílii et Spíritus Sancti. Amen.

Celebrans:  Adjutórium nostrum in nómine Dómini.

Ministri: Qui fecit coelum et terram.

Celebrans: Et introíbo ad altáre Dei.

Ministri: Ad Deum qui lætíficat juventútem meam.

Celebrans: Confitémini Dómino quóniam bonus.

Ministri: Quóniam in sǽcula misericórdia ejus.

Celebrans: Confíteor Deo coeli et beátæ Maríæ Vírgini et ómnibus Sanctis Dei et vobis, quia peccávi nimis in vita mea contra legem Dei mei cogitatióne, locutióne, concénsu, visu, verbo et ópere, mea culpa, mea culpa, mea máxima culpa Ideo precor gloriósam vírginem Maríam et omnes Sanctos Dei, et vos, oráre pro me peccatóre.

Ministri: Misereátur tui omnípotens Deus et dimíssis ómnibus peccátis tuisperdúcat te Jesus Christus sine mácula cum gáudio in vitam ætérnam.

Celebrans: Amen.

Ministri: : Confíteor Deo coeli et beátæ Maríæ Vírgini et ómnibus Sanctis Dei et te, quia peccávi nimis in vita mea contra legem Dei mei cogitatióne, locutióne, concénsu, visu, verbo et ópere, mea culpa, mea culpa, mea máxima culpa Ideo precor gloriósam vírginem Maríam et omnes Sanctos Dei, et te, oráre pro me peccatóre.

Celebrans:  Misereátur vestri omnípotens Deus et dimíssis ómnibus peccátis vestris perdúcat vos Jesus Christus sine mácula cum gáudio in vitam ætérnam.

Ministri: Amen.

Celebrans: Exaudi quǽsumus Dómine súpplicum preces et confiténtium tibi parce peccátis, ut páriter nobis indulgéntiam tríbuas benígnus et pacem. Per Dóminum.

Ministri: Amen.

Accendensad Altare: Aufer a nobis, quǽsumus, Dómine, cunctas iniquitátes nostras:ut ad sancta sanctórum tuórum puris méntibus introíre mereámur. Per Dóminum.

Osculando Altare: Da mihi, Dómine, sensum rectum et vocem puram, ut pláceant tibi verba mea: atque cunctis audiéntibus ea, propter nomen sanctum tuum profíciant in vitam ætérnam.

Osculando Crucifixum: Tuam Crucem adorámus, Dómine: et tuam sanctam recóllimus passiónem. miserére nostri, qui passus est pro nobis.

Osculando Evangelium: Pax Christi et Ecclésiæ quam nobis per sanctum Evangélium trádidit: confírmet et consérvet corda et córpora nostra in vitam ætérnam. Amen.

Ad Introitum Celebrans:  Adjutórium nostrum in nómine Dómine.

Ministri: Qui fecit coelum et terram.

Celebrans: Sit nomen Dómini benedíctum.

Ministri: Nunc et usque in sǽculum.

Introitus legatur, deinde

Kýrie eléison. Kýrie eléison. Kýrie eléison.

Christe eléison. Christe eléison. Christe eléison.

Kýrie eléison. Kýrie eléison. Kýrie eléison.

Quando

Glória in excélsis Deo. Et in terra pax homínibus bonæ voluntátis. Laudámus te. Benedícimus te. Adoramus te. Gloriicámus te. Gratias agimus tibi propter magnam gloriam tuam. Dómine Deus, Rex coeléstis, Deus Pater omnípotens. Dómine Fili unigénite, Jesu Christe. Dómine Deus, Agnus Dei, Fílius Patris. Qui tollis peccáta mundi, miserére nobis. Qui tollis peccáta mundi, suscipe deprecationem nostram. Qui sedes ad déxteram Patris, miserére nobis. Quóniam tu solus Sanctus. Tu solus Dóminus. Tu solus Altíssimus, Jesu Christe. Cum Sancto Spíritu, in glória Dei Patris. Amen.

 Dóminus vobíscum.

 Et cum Spíritu tuo.

Oremus. Collecta, ad Collectam respondetur Amen.Deinde Lectio,

Graduale, Alleluja, Sequentia, Tractus.

Præparando calicem dicat: In nómine Patris et Fílii et Spíritus Sancti. Sanguis exívit de látere Dómini nostri Jesu Christi.

Intendo aquam dicit: Et aqua in remissióne peccatórum. Fiat hæc commíxtio vini et aquæ páriter in nómine Patris et Fílii et Spíritus Sancti. Amen.

Deinde:Deus, qui humánæ substántiæ dignitátem mirabíliter condidísti, et mirabílius reformásti: da nobis per hujus aquæ et vini mystérium, ejus divinitátis esse consórtes, qui humanitátis nostræ fíeri dignátus est párticeps, Jesus Christus, Dóminus noster: Qui tecum vivit et regnat in unitáte Spíritus Sancti Deus: per ómnia sǽcula sæculórum. Amen.

Ante Evangelium: Jube, Dómine, benedícere. Dóminus sit in corde meo et in lábiis meis: ut digne et competénter annúntiem Evangélium pacis. In nómine Patris et Fílii et Spíritus Sancti. Amen.

 Dóminus vobíscum.

 Et cum Spíritu tuo.

 Sequéntia sancti Evangélii secúndum hic nominatur nomen

Evangelistæ cujus Evagelium pronuntiandum

 Glória tibi Dómini.

Post Evangelium: Per hæc sancta evangélica dicta deleántur univérsa crímina nostra et delícta. Amen.

Deinde si dicendum:

Credo in unum Deum. Patrem omnipoténtem, factorem coeli et terræ, visibílium ómnium, et invisibílium Et in unum Dóminum Jesum Christum, Fílium Dei unigenítum. Et ex Patre natum ante ómnia sǽcula. lumen de lúmine, Deum verum de Deo vero. Génitum, non factum, consubstantiálem Patri: per quem ómnia facta sunt. Qui propter nos hómines, et propter nostram salútem descéndit de coelis. Et incarnatus est de Spiritu Sancto ex Maria Virgine: Et homo factus est. Crucifíxus étiam pro nobis: sub Póntio Pilato pássus, et sepultus est. Et resurréxit tertia die, secúndum Scriptúras. Et ascéndit in coelum: sedet ad déxteram Patris: Et íterum ventúrus est cum glória judicáre vivos et mórtuos: cujus regni non erit inis. Et in Spíritum Sanctum, Dóminum, et viviicántem: qui ex Patre procédit. Qui cum Patre et Fílio simul adoratur, et congloriicátur: qui locútus est per Prophétas. Et unam sanctam cathólicam et apostólicam Ecclésiam. Confíteor unum baptísma in remissiónem peccatórum. Et exspécto resurrectiónem mortuórum. Et vitam ventúri sǽculi. Amen.

Deinde clara voce:

 Dóminus vobíscum.  Et cum Spíritu tuo.

Oremus. Sequitur Offertorium.

Deinde præparatio accessoria ad canonem:

Lavábo inter innocéntes manus meas: et circúmdabo altáre tuum, Dómine.

Deinde fac signum Crucis super cálicem:

In nómine Patris  et Fílii et Spíritus Sancti. Quid retríbuam Dómino pro ómnibus quæ retríbuit mihi. Cálicem salutáris accípiam et nomen Dómini invocábo.

Tenens calicem in medio Altaris dic:

In Spíritu humilitátis et ánimo contríto suscipiámur, Dómine, a te: sic fiat sacrifícium hódie et pláceat tibi, Dómine Deus.

Accipe Patenam: Acceptábile fiat omnipoténti Deo sacrifícium istud in odórem suavitátis.

Benedic utrumque: Veni, invisíbilis sanctificátor, omnípotens ætérne Deus: bénedic  et sanctífica hoc sacrifícium nómini tuo præparátum. Per Christum Dóminum nostrum.

Inclina et dic: Súscipe sancta Trínitas hanc oblatiónem, quam tibi offérimus in memóriam passiónis, resurrectiónis, ascensiónis Dómini nostri Jesu Christi: et in honórem sanctíssimæ Dei Genitrícis Vírginis Maríæ: et sanctórum quórum hódie festívitas celebrátur: et quórum hic nómina et relíquæ habéntur: nec non et ómnium sanctórum tuórum qui tibi placuérunt ab inítio mundi. Ut profíciat illis ad honórem: nobis autem et ómnibus fidélibus vivis et defúnctis ad salútem et ad remissiónem ómnium peccatórum, et ut omnes pro nobis dignéntur intercédere in coelis, quórum memóriam ágimus in terris. Per eúndem Christum Dóminum nostrum.

Verte te ad populum: Oráte pro me peccatóre, fratres et soróres: ut meum páriter et vestrum sacrifícium accéptum sit ómipoténti Deo.  Dómine, exáudi oratiónem meam.  Et clamor meus ad te véniat.

Oremus.Deinde legatur Secreta,

cujus finis est initium Præfationis.

 Per ómnia sǽcula sæculórum. R Amen.

 Dóminus vobíscum.  Et cum Spíritu tuo.

 Sursum corda.  Habémus ad Dóminum.

 Grátias agámus Dómino Deo nostro. Dignum et justum est.

Vere dignum et justum est, aequum et salutare etc. etc.

Sanctus, Sanctus, Sanctus, Dominus Deus Sabaoth. Pleni sunt coeli et terra gloria tua. Hosanna in excelsis. Benedictus qui venit in nomine Domini. Hosanna in excelsis.

Ad ablutionem digitorum hic nihil est dicendum. Sed statim digitis lotis et extensis signat se signo sanctæ Crucis. Deinde osculatur altare super corporale, postea crucem sub crucifixo. Deinde aspiciendo devote coelum ac manus conjugendo inclinat se, dicens:

Te ígitur, clementissime Pater, per Jesum Christum, Filium tuum, Dominum nostrum, supplices rogamus ac petimus, hic erigat se dicendo uti accepta habeas, et benedicas haec dona, haec  munera, haec  sancta sacrificia illibata, in primis quae tibi offerimus pro Ecclesia tua sancta Catholica: quam pacificare, custodire, adunare, et regere digneris toto orbe terrarum: una cum famulo tuo Papa nostro N., et Antistite nostro N., et Rege nostro N., et omnibus orthodoxis, atque catholicae et apostolicae fidei cultoribus.

deinde

Memento, Domine, famulórum famularumque tuárum N. hic recitet nómina vivórum eórum máxime pro quibus orare tenetur et ómnium circumadstántium, quórum tibi fides cognita est, et nota devótio, pro quíbus tibi offérimus, vel qui tibi offerunt hoc sacrifícium laudis, pro se suisque ómnibus: pro redémptione animárum suárum, pro spe salútis, et incolumitátis suae: tibique reddunt vota sua ætérno Deo, vívo et véro.

Deinde.

Communicántes, et memóriam venerántes, in prímis gloriósæ sémper Vírginis Maríæ, Genitrícis Dei et Dómini nóstri Jesu Christi: sed et beatórum Apostolórum ac Martýrum tuorum, Petri et Pauli, Andreæ, Jacóbi, Joánnis, Thomæ, Jacobi, Philippi, Bartholomáei, Mattháei, Simonis, et Thaddaei: Lini, Cleti, Clementis, Xysti, Cornelii, Cypriani, Laurentii, Chrysogoni, Joannis et Pauli, Cosmae et Damiani, et omnium Sanctorum tuorum; quorum meritis, precibusque concedas, ut in omnibus protectionis tuae muniamur auxilio. Per eundem Christum Dominum nostrum.

Hic inclinet se Sacerdos dicendo.

Hanc igitur oblationem servitutis nostrae, sed et cunctae familiae tuae quaesumus, Domine, ut placatus accipias: diesque nostros in tua pace disponas, atque ab aeterna damnatione nos eripi, et in electorum tuorum jubeas grege numerari. Per Christum Dominum nostrum.

Hic erigat se Sacerdos dicendo.

Quam oblationem tu, Deus, in omnibus, quǽsumus, bene dictam, adscriptam, ratam, rationabilem, acceptabilemque facere digneris: ut nobis Corpus et Sanguis fiat dilectissimi Filii tui Domini nostri Jesu Christi.

Hic purget digitos et accipiat hostiam dicendo.

Qui pridie quam pateretur, accepit panem in sanctas ac venerabiles manus suas, et elevatis oculis in coelum ad te Deum Patrem suum omnipotentem, tibi gratias agens, bene dixit, fregit, diditque discipulis suis, dicens: Accipite, et manducate ex hoc omnes:

HOC EST ENIM CORPUS MEUM.

Elevet corpus Domini: quo reposito accipiat calicem dicendo.

Simili modo postquam coenatum est, accipiens et hunc praeclarum Calicem in sanctas ac venerabiles manus suas: item tibi gratias agens, benedixit, deditque discipulis suis, dicens: Accepite, et bibite ex eo omnes:

HIC EST ENIM CALIX SANGUINIS MEI, NOVI ET AETERNI TESTAMENTI: MYSTERIUM FIDEI, QUI PRO VOBIS ET PRO MULTIS EFFUNDETUR IN REMISSIONEM PECCATORUM.

Hic elevet calicem dicendo.

Haec quotiescumque feceritis, in mei memoriam facietis.

Extendat brachia in modum crucis.

Unde et memores, Domine, nos servi tui, sed et plebs tua sancta, ejusdem Christi Filii tui Domini nostri, tam beatae Passionis, nec non et ab inferis Resurrectionis, sed et in coelos gloriosae Ascensionis: offerimus praeclarae majestati tuae de tuis donis ac datis, hostiam puram, hostiam  sanctam, hostiam  immaculatam, Panem  sanctum vitae aeternae, et calicem salutis perpetuae.

Ponat manus junctas super utrumque.

Supra quae propitio ac sereno vultu respicere digneris, et accepta habere, sicuti accepta habere dignatus es munera pueri tui justi Abel, et sacrificium patriarchae nostri Abrahae, et quod tibi obtulit summus sacerdos tuus Melchisedech, sanctum sacrificium, immaculatam hostiam.

Cancellatis manibus se inclinet.

Supplices te rogamus, omnipotens Deus, jube haec perferri per manus sancti Angeli tui in sublime altare tuum, in conspectu divinae majestatis tuae: ut quotquot ex hac altaris participatione, sacrosanctum Filii tui Corpus, et Sanguinem sumpserimus,

hic signet seipsum signo crucis dicendo:

omni benedictione coelesti et gratia repleamur. Per eumdem Christum Dominum nostrum. Amen.

Deinde.

Memento etiam, Domine, famulorum famularumque tuarum qui nos praecesserunt cum signo fidei, et dormiunt in somno pacis N.

Hic recitet nomina defunctorum.

Ipsis, Domine, et omnibus in Christo quiescentibus, locum refrigerii, lucis et pacis, ut indulgeas, deprecamur. Per eumdem Christum Dominum nostrum.

Tundat pectus et exaltet vocem.

Nobis quoque peccatoribus famulis tuis, de multitudine miserationum tuarum sperantibus, partem aliquam, et societatem donare digneris, cum tuis sanctis Apostolis et Martyribus: cum Joanne, Stephano, Matthia, Barnaba, Ignatio, Alexandro, Marcellino, Petro, Felicitate, Perpetua, Agatha, Lucia, Agnete, Caecilia, Anastasia, et omnibus Sanctis tuis: intra quorum nos consortium, non aestimator meriti sed veniae, quaesumus, largitor admitte. Per Christum Dominum nostrum. Per quem haec omnia, Domine, semper bona creas, Hic signet utrumque. sanctificas, vivi ficas, benedicis, et praestas nobis.

Hic faciat quattuor cruces super calicem cum hostia: et quintam crucem in labra calicis dicendo.

Per ipsum, et cum ipso, et in ipso, est tibi Deo Patri omnipotenti, in unitate Spiritus Sancti, omnis honor et gloria. Hic tangat calicem cum hostia: et mutet vocem. Per omnia sǽcula sæculorum. Amen.

Oremus. Praeceptis salutaribus moniti, et divina institutione formati, audemus dicere: Pater noster, qui es in coelis: sanctificetur nomen tuum: adveniat regnum tuum: fiat voluntas tua, sicut in coelo, et in terra. Panem nostrum quotidianum da nobis hodie, et dimitte nobis debita nostra, sicut et nos dimittimus debitoribus nostris. Et ne nos inducas in tentationem.

 Sed libera nos a malo. Amen.

Hic elevet patenam sub silentio dicens.

Libera nos, quǽsumus, Domine, ab omnibus malis præteritis, praesentibus, et futuris: et intercedente beata et gloriosa semper Virgine Dei Genitrice Maria, cum beatis Apostolis tuis Petro et Paulo, atque Andrea, et omnibus Sanctis, da propitius pacem in diebus nostris: Hic osculetur patenam faciendum cruxem ut ope miseri  cordiae tuae adjuti, et a peccato simus semper liberi, signet secum patenam in fronte et ab omni perturbatione securi. Hic dividat hostiam per medium. Per eumdem Dominum nostrum Jesum Christum Filium tuum, dividat alteram partem qui tecum vivit et regnat in unitate Spiritus Sancti Deus. Levet calicem dicens Per omnia sǽcula sæculorum. Amen.

Hic faciat crucem cum tertia parte hostiæ super calicem

Pax  Domini sit  semper vobiscum.  Et cum spiritu tuo.

Hic elevet patenam sup silentio dicens.

Fiat haec commixtio et consecratio Corporis et Sanguinis Domini nostri Jesu Christi ómnibus nobis suméntibus salus mentis et córporis in vitam ætérnam. Amen.

Deinde

Agnus Dei, qui tollis peccata mundi: miserere nobis.

Agnus Dei, qui tollis peccata mundi: miserere nobis.

Agnus Dei, qui tollis peccata mundi: dona nobis pacem.

Domine Jesu Christe, qui dixisti Apostolis tuis: Pacem relinquo vobis, pacem meam do vobis: ne respicias peccata mea, sed fidem Ecclesiae tuæ: hic osculatur Altare eamque secundum voluntatem tuam, pacificare deinde Librum et coadunare digneris: qui vivis et regnas Deus, per omnia sǽcula sæculorum. Amen.

Deinde osculando corporale et det pacis dicens.

Pax tibi et Ecclésiæ Dei abúndet in córdibus nostris.

Deinde osculato pacis osculo dicat super

Ministrum Pax tecum. Deinde

Habéte vínculum pacis et caritátis: ut apti sitis sacrosánctis mystériis Christi. Amen.

Antequam comunicet, inclinat dicens.

Domine Jesu Christe, Fili Dei vivi, qui ex voluntate Patris, cooperante Spiritu Sancto, per mortem tuam mundum vivificasti: libera me per hoc sacrosanctum Corpus et Sanguinem tuum ab omnibus iniquitatibus meis, et universis malis: et fac me tuis semper inhaerere mandatis, et a te numquam separari permittas. Qui cum eodem Deo Patre et Spiritu Sancto vivis et regnas Deus in sǽcula sæculorum.

Deinde.

Perceptio Corporis tui, Domine Jesu Christe, quod ego indignus sumere praesumo, non mihi proveniat in judicium et condemnationem: sed pro tua pietate prosit mihi ad tutamentum mentis et corporis, et ad medelam percipiendam: qui vivis et regnas cum Deo Patre in unitate Spiritus Sancti Deus, per omnia sǽcula sæculorum.

Hic accipit corpus in manibus dicat.

Panem coelestem accipiam, et nomen Domini invocabo.

Hic ter tundat pectus suum.

Domine, non sum dignus, ut intres sub tectum meum: sed tantum dic verbo, et sanabitur anima mea.

Sumat copus et dicat.

Corpus Domini nostri Jesu Christi custodiat animam meam in vitam aeternam. Amen.

Inclinatus dicat.

Quid retribuam Domino pro omnibus quae retribuit mihi? Hic accipit in manus calicem dicens Calicem salutaris accipiam, et nomen Domini invocabo. Laudans invocabo Dominum, et ab inimicis meis salvus ero.

Hic sumat Sanguinem dicens.

Sanguis Domini nostri Jesu Christi custodiat animam meam in vitam æternam. Amen.

Post perceptionem.

Corpus tuum, Dómine, quod sumpsi, et Sanguis, quem potávi, adhǽreat viscéribus meis: et præsta, ut in me non remáneat scélerum mácula, quem pura et sancta refecérunt Sacraménta: Qui vivis et regnas in sǽcula sæculórum. Quod ore sumpsimus, Domine, pura mente capiamus: et de munere temporali fiat nobis remedium sempiternum. Per Christum Dóminum nostrum. Amen.

Deinde Communio et postea.

 Dóminus vobíscum.  Et cum Spíritu tuo.

Oremus. sequitur Complenda

quam finitam respondetur Amen. deinde benedicens populum.

 Dóminus vobíscum.  Et cum Spíritu tuo.

Quabdo Gloria dicatur Ite Missa est, quando non dicitur Benedicámus Dómino.  Deo grátias.

Benedícat vos omnípotens Deus, Pater, et Fílius, et Spíritus Sanctus.  Amen.

Finita Missa inclinet se dicens.

Placeat tibi, sancta Trinitas, obsequium servitutis meae: et praesta, ut sacrificium quod oculis tuae majestatis indignus obtuli, tibi sit acceptabile, mihique, et omnibus, proquibus illud obtuli, sit te miserante propitiabile. Per Christum Dominum nostrum. Amen.

Osculando Altare dicit:

Méritis et intercessiónibus istórum et ómnium Sanctórum suórum miseriátur nostri omnípotens Deus per Christum Dóminum nostrum. Amen.

deinde in cornu Evangelii

 Dóminus vobíscum.  Et cum Spíritu tuo.

Prosequitur.

 Inítium sancti Evangelii secundum Joánnem.

In principio erat Verbum et Verbum erat apud Deum, et Deus erat Verbum. Hoc erat in principio apud Deum. Omnia per ipsum facta sunt, et sine ipso factum est nihil quod factum est; in ipso vita erat, et vita erat lux hominum; et lux in tenebris lucet, et tenebrae eam non comprehenderunt. Fuit homo missus a Deo cui nomen erat Joannes. Hic venit in testimonium, ut testimonium perhiberet de lumine, ut omnes crederent per illum. Non erat ille lux, sed ut testimonium perhiberet de lumine. Erat lux vera quae illuminat omnem hominem venientem in hunc mundum. In mundo erat, et mundus per ipsum factus est et mundus eum non cognovit. In propria venit, et sui eum non receperunt. Quotquot autem receperunt eum, dedit eis potestatem filios Dei fieri; his qui credunt in nomine eius, qui non ex sanquinibus, neque ex voluntate carnis, neque ex voluntate viri, sed ex Deo nati sunt. Et verbum caro factum est et habitavit in nobis; et vidimus gloriam eius gloriam quasi unigenti a Patre, plenum gratiae et veritatis.