The Sarum Mass in Latin

Ordinarium Missæ

Ad Missam dicendam, dum Sacerdos induit se sacris vestibus, dicat Hymnum sequentem.

Hymnus

Veni, Creator Spiritus,

mentes tuorum visita:

imple superna gratia

quæ tu creasti pectora.

Qui Paraclitus diceris,

donum Dei altissimi,

fons vivus, ignis, caritas,

et spiritalis unctio.

Tu septiformis munere,

dextræ Dei tu digitus;

tu rite promissum Patris,

sermone ditans guttura.

Accende lumen sensibus,

infunde amorem cordibus:

infirma nostri corporis.

virtute firmans perpeti.

Hostem repellas longius,

pacemque duces protinus;

ductore sic te prævio

vitemus omne noxium.

Per te sciamus da Patrem,

noscamus atque Filium;

te utriusque Spiritum

credamus omni tempore.

Sit laus Patri cum Filio,

Sancto simul Paraclito:

nobisque mittat Filius

charisma Sancti Spiritus.

V. Emitte Spiritum tuum et creabuntur.

R. Et renovabis faciem terræ.

Collect for Purity

Deus, cui omne cor patet et omnis voluntas loquitur, et quem nullum latet secretum, purifica per infusionem Sancti Spiritus cogitationes cordis nostri, ut te perfecte diligere et digne laudare mereamur. Per Dominum nostrum Jesum Christum, Qui tecum vivit et regnat, in unitate ejusdem Spiritus Sancti, per omnia sæcula sæculorum. Amen.

Deinde sequatur.

Introibo ad altare Dei: ad Deum qui lætificat juventutem meam. Antiphona

Judica me, Deus, et discerne causam meam de gente non sancta: ab homine iniquo et doloso erue me. Psalm 43

Quia tu es Deus, fortitudo mea : quare me repulisti, et quare tristis incedo, dum affligit me inimicus?

Emitte lucem tuam et veritatem tuam: ipsa me deduxerunt, et adduxerunt in montem sanctum tuum, et in tabernacula tua.

Et introibo ad altare Dei: ad Deum, qui lætificat juventutem meam.

Confitebor tibi in cithara, Deus, Deus meus: quare tristis es, anima mea, et quare conturbas me?

Spera in Deo, quoniam adhuc confitebor illi: salutare vultus mei, et Deus meus.

Gloria Patri, et Filio: et Spiritui Sancto:

Sicut erat in principio, et nunc, et semper: et in sæcula sæculorum. Amen.

Introibo ad altare Dei: ad Deum qui lætificat juventutem meam. Antiphona

Kyrie eleison.

Christe eleison.

Kyrie eleison.

The Lord’s Prayer

Pater noster, qui es in cœlis, Sanctificetur Nomen tuum. Adveniat regnum tuum. Fiat voluntas tua, Sicut in cœlo, et in terra. Panem nostrum quotidianum da nobis hodie. Et dimitte nobis debita nostra, Sicut et nos dimittimus debitoribus nostris. Et ne nos inducas in tentationem; Sed libera nos a malo.

Ave Maria.

Introit & approach to the Altar

His finitis et Officio Missæ inchoato, cum post Officium Gloria Patri incipitur, accedat Sacerdos cum suis ministris ad gradum altaris, et dicat ipse Confessionem, diacono assistente a dextris et subdiacono a sinistris. Hoc modo incipiendo,

Et ne nos inducas in tentationem. Sed libera nos a malo.

Confitemini Domino quoniam bonus: quoniam in sæculum misericordia ejus.

Mutual confession & absolution of the Celebrant & Ministers

Sacerdos dicat: Confiteor Deo, beatæ Mariæ, omnibus sanctis, et vobis; quia peccavi nimis, cogitatione, locutione, et opere: mea culpa: Precor sanctam Mariam, omnes sanctos Dei, et vos, orare pro me.

Ministri respondeant, Misereatur vestri omnipotens Deus, et dimittat vobis omnia peccata vestra; liberet vos ab omni malo; conservet et confirmet in bono; et ad vitam perducat æternam.

Sacerdos. Amen.

Et postea dicant, Confiteor. Quo dicto dicat Sacerdos, Misereatur, ut supra. Deinde dicat Sacerdos,

Absolutionem et remissionem omnium peccatorum vestrorum, spatium veræ pœnitentiæ et emendationem vitæ, gratiam et consolationem Sancti Spiritus, tribuat vobis omnipotens et misericors Dominus.

Ministri respondeant, Amen

Et sciendum est, quod quicumque sacerdos Officium exsequatur, semper Episcopus, si præsens fuerit, ad gradum altaris dicat Confiteor, Misereatur et Absolutionem.

Deinde dicat Sacerdos Versum,

V. Adjutorium nostrum in Nomine Domini.

R. Qui fecit cœlum et terram.

V. Sit Nomen Domini benedictum.

R. Ex hoc nunc et usque in sæculum.

Oremus.

Deinde, finitis precibus, Sacerdos deosculetur diaconum, et postea subdiaconum, ita dicens,

HABETE osculum pacis et dilectionis, ut apti sitis sacrosancto altari, ad perficiendum officia divina.

Et hoc semper observetur per totum annum nisi tantum in missis pro defunctis, et in tribus proximis feriis ante Pascha.

His itaque peractis, ceroferarii candelabra cum cereis ad gradum altaris dimittant; deinde accedat Sacerdos ad altare, et dicat in medio altaris tacita voce, inclinatoque corpore et junctis manibus,

Collect

Oremus.

AUFER a nobis, quæsumus, Domine, cunctas iniquitates nostras, ut ad sancta sanctorum puris mereamur mentibus introire; Per Christum Dominum nostrum.

Tunc erigat se Sacerdos et osculetur altare, et hoc in medio, et signet se in facie sua ita dicens,

IN NOMINE Patris et Filii et Spiritus Sancti. Amen.

Censing

Deinde ponat diaconus thus in thuribulum, et dicat prius Sacerdoti Benedicite, et Sacerdos dicat,

Dominus. Ab ipso benedicatur hoc incensum in cujus honore cremabitur. In Nomine Patris....

Tunc diaconus, ei thuribulum tradens, deosculetur manum ejus, et ipse Sacerdos thurificet medium altaris et utrumque cornu altaris, primo in dextera, secundo in sinistra parte, et interim in medio.

Deinde ab ipso diacono ipse Sacerdos thurificetur; et postea Textum ministerio subdiaconi Sacerdos deosculetur.

His itaque gestis in dextro cornu altaris cum diacono et subdiacono, Officium missæ usque ad Orationem prosequatur, vel usque ad Gloria in excelsis, quando dicitur. Et post officium: et postea dicitur Gloria in excelsis et sicut erat. Tertio repetatur officium: sequatur Kyrie.

His finitis et officio inchoato, cum post officium, Gloria Patri, incipitur: tunc accedant ministri ad altere ordinatim: primo ceroferarii duo pariter incedentes; diende thuribularii: post, subdiaconus: exinde diaconus, post eum sacerdos: diacono et subdiacono casulis indutis. Quo facto sacerdos et sui ministri in sedibus paratis se recipiant, et expectent usque ad Gloria in excelsis: quod incipiatur semper in medio altaris quandocunque dicitur.

GLORIA IN EXCELSIS DEO, Et in terra pax hominibus bonæ voluntatis. Laudamus te. Benedicimus te. Adoramus te. Glorificamus te. Gratias agimus tibi propter magnam gloriam tuam, Domine Deus, Rex cœlestis, Deus, Pater omnipotens.

Domine Fili Unigenite, Jesu Christe, Domine Deus, Agnus Dei, Filius Patris, Qui tollis peccata mundi, miserere nobis. Qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam tu solus sanctus, tu solus Dominus, tu solus altissimus, Jesu Christe, cum Sancto Spiritu, in gloria Dei Patris. Amen.

Post inceptionem Gloria in excelsis divertat se Sacerdos ad dextrum cornu altaris, et ministri cum eo prosequentes, diaconus a dextris et subdiaconus a sinistris, submissa voce dicant idem.

Per totum Adventum non dicitur Gloria in excelsis de quocumque dicitur missa, nec a Septuagesima usque ad vigiliam Paschæ.

Proper Collect and Memorials

His itaque peractis factoque signaculo crucis in facie sua vertat se Sacerdos ad populum, elevatisque aliquantulum brachiis junctisque manibus dicat,

Dominus vobiscum.

Et chorus respondeat,

Et cum spiritu tuo.

Et iterum revertat se Sacerdos ad altare et dicat,

Oremus.

Deinde dicitur oratio, sic determinado.

Per omnia sæcula sæculorum.

Et si aliqua memoria habenda est, iterum dicat sacerdos, Oremus, ut supra. Et quando sunt plures collectæ dicendæ: tunc omnes orationes quæ sequuntur sub uno Per Dominum et uno Oremus dicantur: ita tamen quod septenarium numerum escedere non debent. Et semper dum stat sacerdos ad officium missæ: post eum stet diaconus directe in proximo gradu, et subdiaconus simiili modo dorecte in secundo gradu post diaconum: ita ut quoties sacerdos ad populum se convertit, diaconus similiter se convertat. Subdiaconus vero interim genuflectendo de capsula sacerdotis aptanda subministeret. Sciendum est autem quod quicquid a Sacerdote dicitur ante Epistolam, in dextro cornu altaris expleatur, præter inceptionem Gloria in excelsis. Similiter fiat post perceptionem Sacramenti. Cætera omnia in medio altaris expleantur, nisi forte diaconus defuerit. Post introitum vero missæ unus ceroferariorum panem vinum et aquum quæ ad Eucharistiæ ministrationem disponuntur, deferat: reliquus vero pelvum cum aqua et manutergio portet. Chorum licet ingredi usque ad complementorium primæ collectæ.

Epistle & Gradual

Incepta vero ultima oratione ante epistolam: subdiaconus par medium chori ad legendum Epistolam in pulpitum accedat. Et legatur epistola in pulpito omni die dominica, et quadocumque chorus regitur per totum annum: et in die cœnæ et in vigilia Paschæ et penthe. et in com. animarum. In omnibus vero aliis festis et feriis, et in vigiliis, et in quatuor temporibus extra ebd. penthe. ad gradum chori legatur tam in quadragesima quam extra quadragesimam.

Quando epistola legitur duo pueri in superpelliciis facta incliatione ad altare ante gradum chori in pulpitum per medium chori ad Gradule incipiendum se præparent, et suum versum cantandum. Dum versus gradulis canitur duo de superiori gradu ad Alleluya cantandum cappas servicas se induant. Et ad pulitum per medium chori accedant. Sequatur Alleluya. Finito Alleluya, sequatur Sequentia.

Censing, Prayers, & Gospel

In fine Alleluia vel Sequentiæ vel Tractus, diaconus antequam accedat ad Evangelium pronuntiandum thurificet medium altaris tantum. Nunquam enim thurificetur lectrinum ante pronuntiationem evangelii. Deinde accipiat Textum, scilicet librum Evangeliorum, et humilians se ad Sacerdotem stantem coram altari, versa facie ad meridiem ita dicat, sine nota,

Jube, domine, benedicere.

Sacerdos respondeat,

Dominus sit in corde tuo et in ore tuo ad pronuntiandum sanctum Evangelium Dei. In Nomine Patris et Filii et Spiritus Sancti. Amen.

Et sic procedat diaconus per medium chori, ipsum textum super sinistram manum solemniter gestando ad pulpitum accedat, thuribulario et ceroferario precedentibus. Quandocumque enim legitur et evangelium. Et cum ad locum legendi pervenerint: textum ipsum subdiaconus accipiat; et a sinistris ipsius diaconi quasi oppositus ipsum textum dum evangelium legitur teneat: ceroferariis diacono assistentibus: uno a dexteris et reliquo a sinistris ad eum conversis. Thuribularius vero stet post diaconum ad eum conversis. Et semper legatur evangelium versus aquilonem. Cum autem inceperit evangelium: post Dominus vobiscum faciat signum crucis super librium: deinde in sua fronte, et postea in pectore cum pollice.

Sancti Evangelii secundum —.

Gloria tibi, Domine.

Lecto Evangelio osculetur librum: et accedens subdiaconus statim porrigat ei Textum quem ipse diaconus ex directo pectore deferat, et offerat Sacerdoti deosculandum.

Finito Sacerdos Evangelio in medio altaris incipiat.

Nicene Creed

CREDO in unum Deum, Patrem Omnipotentem, factorem cœli et terra, visibilium omnium et invisibilium. Et in unum Dominum Jesum Christum, Filium Dei unigenitum, et ex Patre natum ante omnia sæcula: Deum de Deo, Lumen de Lumine, Deum verum de Deo vero, Genitum non factum, consubstantialem Patri, per quem omnia facta sunt. Qui propter nos homines et propter nostram salutem descendit de cœlis, et incarnatus est de Spiritu Sancto ex Maria Virgine, Et homo factus est. Crucifixus etiam pro nobis sub Pontio Pilato, passus et sepultus est. Et resurrexit tertia die secundum scripturas, et ascendit in cœlum, sedet ad dexteram Patris, Et iterum venturus est cum gloria judicare vivos et mortuos, Cujus regni non erit finis. Et in Spiritum Sanctum Dominum et vivificantem, Qui ex Patre Filioque procedit, Qui cum Patre et Filio simul adoratur et conglorificatur, Qui locutus est per prophetas. Et unam sanctam Catholicam et Apostolicam Ecclesiam. Confiteor unum baptisma in remissionem peccatorum, et exspecto resurrectionem mortuorum, et vitam venturi sæculi. Amen.

Offertory & Prayers

Stet autem Chorus ad altare conversus ab inceptione Credo in unum quousque Chorus ipse cantet, et ad altare ter se inclinet Chorus; scilicet cum dicitur Et incarnatus est; secundo cum dicitur Et homo factus est; tertio cum dicitur crucifixus etiam pro nobis; et in fine, cum dicitur Et vitam venturi quousque inchoetur Offertorium.

Deinde Sacerdos conversus ad populum dicat Dominus vobiscum; Chorus respondeat Et cum spiritu tuo. Item Sacerdos ad altare dicat Offertorium.

Post Offertorium vero porrigat diaconus Sacerdoti calicem cum patena et sacrificio, et osculetur manum ejus utraque vice. Ipse vero accipiens ab eo calicem, diligenter ponat in loco suo debito snper medium altare, et inclinato parumper elevet calicem utraque manu, offerens sacrificium Domino, dicendo hanc orationem,

SUSCIPE, Sancta Trinitas, hanc oblationem, quam ego indignus peccator offero in honore tuo, beata Mariæ et omnium Sanctorum tuorum, pro peccatis et offensionibus meis: et pro salute vivorum et requie omnium fidelium defunctorum.

In Nomine Patris et Filii et Spiritus Sancti acceptum sit Omnipotenti Deo hoc sacrificium novum.

Censing & Lavatory

Dictaque oratione, reponat calicem et cooperiat eum cum corporalibus, ponatque panem super corporalia decenter ante calicem vinum et aquam continentem; et osculetur patenam, et reponat eam a dextris super altare, sub corporalibus parum cooperiendo. Hoc peracto accipiat thuribulum a diacono et thurificet sacrificium. Et dum thurificat, dicat versum sequentem,

Dirigatur, Domine, ad te oratio mea, sicut incensum in conspectu tuo.

Postea thurificetur ipse Sacerdos ab ipso diacono. Deinde acolythus thurificet Chorum.

His itaque peractis, eat Sacerdos ad dextrum cornu altaris, et abluat manus dicens,

MUNDA me, Domine, ab omni inquinamento mentis et corporis; ut possim mundus implere opus sanctum Domini,

Diacono interim ipsum altare in sinistro cornu thurificante.

Ablutis manibus Sacerdos revertat se ad altare ad divinum officium exsequendum, et stans ante altare, inclinato capite et corpore, junctis manibus, dicat hanc orationem,

IN spiritu humilitatis et in animo contrito suscipiamur, Domine, a te; et sic fiat sacrificium nostrum in conspectu tuo, ut a te suscipiatur hodie, et placeat tibi, Domine Deus meus.

Et erigens se, deosculetur altare a dextris sacrificii; et dans benedictionem ultra sacrificium, postea signet se dicens, In Nomine Patris, etc.

Deinde vertat se Sacerdos ad populum, et tacita voce dicat,

ORATE, fratres et sorores, pro me, ut meum pariterque vestrum acceptum sit Domino Deo nostro sacrificium.

Responsi cleri privatim,

Spiritus Sancti gratia illuminet cor tuum et labia tua, et accipiat Dominus digne hoc sacrificium laudis de manibus tuis pro peccatis et offensionibus nostris.

The Secret

Et reversus ad altare, Sacerdos Secretas Orationes dicat juxta numerum antedictarum et ordinem ante epistolam, ite incipiens:

Oremus.

Quibus dictis dicat aperta voce, Per omnia sæcula sæculorum; manibus non levatis clonec dicitur Sursum corda. Et tunc accipient subdiaconus offertorium et patenam, de manu diaconi, ipsam patenam tenendam quousque Pater noster disitur: quam acolyto offertorio coopertam committat in gradu, scilicet post diaconum interim constituto.

Hoc modo incipiantur omnes præfationes ad missum per totum annum, tam in feriis quam in festis:

Per omnia sæcula sæculorum. Amen.

The Anaphora: The Salutation

Dominus vobiscum.

Et cum spiritu tuo.

Hic elevat Sacerdos manus, dicens,

SURSUM corda.

Habemus ad Dominum.

Gratias agamus Domino Deo nostro.

Dignum et justum est.

Hæc præfatio est quotidiana.

Preface

VERE dignum et justum est, æquum et salutare, nos tibi semper et ubique gratias agere, Domine sancte, Pater omnipotens, Æterne Deus, per Christum Dominum nostrum: per quem Majestatem tuam laudant angeli, adorant dominationes, tremunt potestates, cœli cœlorumque virtutes ac beata Seraphin socia exsultatione concelebrant. Cum quibus et nostras voces ut admitti jubeas deprecamur, supplici confessione dicentes,

Sequitur Sanctus. Dum sacerdos dicit Sanctus, sanctus, erigat parumper brachia sua et jungat manus suas, usque ad hæc verba In nomine Domine: tunc semper signet se in facie sua,

SANCTUS, SANCTUS, SANCTUS, DOMINUS DEUS SABAOTH. PLENI SUNT CŒLI ET TERRA GLORIA TUA. HOSANNA IN EXCELSIS. BENEDICTUS QUI VENIT IN NOMINE DOMINI. HOSANNA IN EXCELSIS.

Dum Sacerdos dicit Sanctus, Sanctus, erigat parumper brachia sua, et jungat manus suas usque ad hæc verba In Nomine Domini; tunc semper signet se in facie sua.

Deinde confestim, manibus junctis et elevatis oculis, incipiat Canonem Missæ,

The Canon of the Mass

Intercession

TE IGITUR, clementissime Pater, per Jesum Christum Filium tuum Dominum nostrum, supplices rogamus ac petimus:

Hic erigens se sacerdos osculetur altare a dextris sacrificii dicens:

Uti accepta habeas et benedicas hæc dona, hæc munera, hæc sancta sacrificia illibata,

Factis signaculis super calicem, elevet manus suas ita dicens:

Imprimis quæ tibi offerimus pro ecclesia tua sancta Catholica, quam pacificare, custodire, adunare et regere digneris toto orbe terrarum, una cum famulo tuo Papa nostro N. et Antistite nostro N. (id est proprio episcopo tantum) et Rege nostro N. et omnibus orthodoxis atque catholicæ et apostolicæ fidei cultoribus.

Hic oret pro vivis.

MEMENTO, Domine, famulorum famularumque tuarum N. et N. et omnium circumstantium, quorum tibi fides cognita est et nota devotio; pro quibus tibi offerimus vel qui tibi offerunt hoc sacrificium laudis pro se suisque omnibus, pro redemptione animarum suarum, pro spe salutis et incolumitatis suæ, tibique reddunt vota sua æterno Deo vivo et vero.

COMMUNICANTES, et memoriam venerantes: In primis glo-riosæ semper virginis Mariæ, genetricis Dei et Domini nostri Jesu Christi, Sed et beatorum Apostolorum ac Martyrum tuorum Petri et Pauli, Andreæ, Jacobi, Johannis, Thomæ, Jacobi, Philippi, Bartholomæi, Matthæi, Simonis, et Thaddæi, Lini, Cleti, Clementis, Sixti, Cornelii, Cypriani, Laurentii, Chrysogoni, Johannis et Pauli, Cosmæ et Damiani, et omnium sanctorum tuorum, quorum meritis precibusque concedas; ut in omnibus protectionis tuie muniamur auxilio; Per eundem Christum Dominum nostrum. Amen.

Hic respiciat sacerdos hostiam cum magna veneratione dicens:

HANC igitur oblationem servitutis nostræ, sed et cunctæ familiæ tuie, quæsumus, Domine, ut placatus accipias, diesque nostros in tua pace disponas, atque ab æterna damnatione nos eripi, et in electorum tuorum jubeas grege numerari; Per Christum Dominum nostrum. Amen.

Hic iterum respiciat hostiam dicens:

QUAM oblationem tu, Deus Omnipotens, in omnibus, quæsu-mus, benedictum ascriptam ratam rationabilem, acceptabilemque facere digneris, ut nobis Corpus et Sanguis fiat dilectissimi Filii tui Domini nostri Jesu Christi.

Consecration

Hic erigat sacerdos manus et conjungat: et postea tergat digitos , et elevat hostiam, dicens:

QUI PRIDIE quam pateretur accepit panem in sanctas ac venerabiles manus suas: et elevatis oculis in cœlum,

Hic elevet oculos suos

ad te Deum Patrem suum omnipotentem,

Hic inclinet se et postea elevet paululum, dicens:

tibi gratias agens benedixit, fregit:

Hic tangat hostiam dicens:

deditque discipulis suis, dicens, Accipite et manducate ex hoc omnes. Hoc est enim Corpus meum.

Et debent ista vedrba proferri cum uno spiritu et sub una prolatione, nulla pausatione interposita. Post hoc verba elevet eam supra frontem, ut possit a populo videri: et reverenter illud, reponat ante calicem in modum crucis per eandem factæ. Et tunc discooperiat celicem et teneat inter manus suas non disjungendo pollicem ab indice: nisi dum facit benedictiones tantum, ita dicens:

SIMILI modo, posteaquam cœnatum est, accipiens et hunc præclarum calicem in sanctas et venerabiles manus suas, item tibi (Hic inclinet se dicens) gratias agens, benedixit deditque discipulis suis, dicens, Accipite et bibite ex eo omnes.

Hic elevet sacerdos parumper calicem, ita dicens:

Hic est enim calix Sanguinis mei novi et æterni testamenti, mysterium fidei, qui pro vobis et pro multis effundetur in remissionem peccatorum.

Hic elevet celicem dicens:

Hæc quotiescunque feceritis, in mei commemorationem facietis.

Hic reponat calicem et elevet brachia in modum crucis, junctis digitis usque ad hæc verba de tuis donis:

UNDE ET MEMORES, Domine, nos tui servi, sed et plebs tua sancta, ejusdem Christi Filii tui Domini Dei nostri tam beatæ Passionis, necnon et ab inferis Resurrectionis, sed et in cœlos gloriosæ Ascensionis, offerimus præclaræ Majestati ture de tuis donis ac datis Hostiam puram, Hostiam sanctam, Hostiam immaculatam, et Calicem salutis perpetuæ.

SUPRA quæ propitio ac sereno vultu respicere digneris, et accepta habere sicut accepta habere dignatus es munera pueri tui justi Abel, et sacrificium patriarchæ nostri Abrahæ, et quod tibi obtulit summus sacerdos tuus Melchisedech, sanctum sacrificium, immaculatam hostiam.

Hic sacerdos corpore inclinato et cancellatis manibus dicat:

SUPPLICES te rogamus, Omnipotens Deus, jube hæc perferri per manus sancti angeli tui in sublime altare tuum, in conspectu divinæ Majestatis tuie, ut quotquot,

Hic erigens se osculatur altare a dextris sacraficii dicens:

ex hac altaris participatione sacrosanctum Filii tui Corpus et Sanguinem sumpserimus, omni (hic signet se in faciem) benedictione cœlesti et gratia repleamur; Per eundem Christum Dominum nostrum. Amen.

Hic oret pro mortuis.

MEMENTO etiam, Domine, animarum famulorum famularumque tuarum N. et N. qui nos præcesserunt cum signo fidei et dormiunt in somno pacis: Ipsis, Domine, et omnibus in Christo quiescentibus locum refrigerii, lucis et pacis, ut indulgeas deprecamur; Per eundem Christum Dominum nostrum. Amen.

Hic percutiat pectus suum semel, dicens:

NOBIS quoque peccatoribus famulis tuis de multitudine miserationum tuarum sperantibus, partem aliquam et societatem donare digneris cum tuis sanctis Apostolis et Martyribus; Cum Johanne, Stephano, Matthia, Barnaba, Ignatio, Alexandro, Marcellino, Petro, Felicitate, Perpetua, Lucia, Agatha, Agnete, Cæcilia, Anastasia, et cum omnibus sanctis tuis; Intra quorum nos consortium, non æstimator meriti, sed venire, quæsumus, largitor admitte; Per Christum Dominum nostrum.

PER quem hæc omnia, Domine, semper bona creas,

Hic sacerdos ter signet calicem dicens:

sanctificas vivificas benedicis et præstas nobis.

Hic sacerdos discooperiat calicem et faciat signaculum crucis cum hostia quinquies: primo ultra calicem ex utraque parte, secundo calici æquale, tertio infra calicem, quarto sicut primo, quinto ante calicem:

Per ipsum et cum ipso et in ipso est tibi Deo Patri omnipotenti, in unitate Spiritus Sancti, omnis honor et gloria;

Hic cooperiat sacerdos calicem, et teneat manus suas super altare usque dum dicitur Pater noster, ita dicens:

Per omnia sæcula sæculorum. Amen.

Oremus.

Præceptis salutaribus moniti, et divina institutione formati, audemus dicere:

Hic accipiat diaconus patenam, eamque a dextris sacerdotis extento brachio in altum usque Da propitius discoopertam teneat. Hic elevet manus sacerdos dicens.

Lord's Prayer

PATER noster, qui es in cœlis, sanctificetur Nomen tuum. Adveniat regnum tuum. Fiat voluntas tua, sicut in cœlo et in terra. Panem nostrum quotidianum da nobis hodie. Et dimitte nobis debita nostra, sicut et nos dimittimus debitoribus nostris. Et ne nos inducas in tentationem.

Chorus dicat, Sed libera nos a malo. Sacerdos privatim, Amen.

LIBERA nos, quæsumus, Domine, ab omnibus malis, præteritis, præsentibus, et futuris: Et intercedente beata et gloriosa semper Virgine Dei genitrice Maria, et beatis Apostolis tuis Petro et Paulo atque Andrea,cum omnibus sanctis,

Hic cornmittat diaconus patenam sacerdoti, deosculans manum ejus; et sacerdos deosculetur patenam: postea ponat ad sinistrum oculum: deinde ad dextrum: postea faciat crucem cum patena ultra caput: et tunc reponat eam in locum suum, dicens:

Da propitius pacem in diebus nostris, ut, ope misericordiæ tuie adjuti, et a peccato simus semper liberi et ab omni perturbatione securi;

Hic discooperiat calicem, et sumat corpus cum inclinatione, transponens in concavitate calicis, retinendo inter pollices et indices, et frangat in tres partes dum dicitur:

Per eundem Dominum nostrum Jesum Christum Filium tuum,

secunda fractio:

Qui tecum vivit et regnat in unitate Spiritus Sancti Deus,

Hic teneat duas fracturas in sinistra manu, et tertiam fracturam in dextera manu in summitate calicis, ita dicens aperta voce:

Per omnia sæcula sæculorum.

Chorus respondeat, Amen.

Here the episcopal benediction is given, which varies from Sunday to Sunday.

Hic faciat tres cruces infra calicem cum tertia parte hostiæ dcendo:

Pax Domini sit semper vobiscum.

Chorus respondeat, Et cum spiritu tuo.

Ad Agnus Dei dicendum, accedant diaconus et subdiaconus ad Sacerdotem, uterque a dextris, diaconus propior, subdiaconus remotior, et dicant privatim,

Agnus Dei, qui tollis peccata mundi: miserere nobis.

Agnus Dei, qui tollis peccata mundi: miserere nobis.

Agnus Dei, qui tollis peccata mundi: dona nobis pacem.

Prayers at Commixture

Hic cruce signando deponat dictam tertiam partem Hostiæ in sacramentum Sanguinis, sic dicendo,

Hæc sacro sancta commixtio Corporis et Sanguinis Domini nostri Jesu Christi fiat mihi omnibusque sumentibus salus mentis et corporis, et ad vitam æternam promerendam et capessendam praeparatio salutaris. Per eundem Christum Dominum nostrum. Amen.

The Peace

Antequam Pax detur dicat Sacerdos,

DOMINE, Sancte Pater, Omnipotens æterne Deus, da mihi hoc sacrosanctum Corpus et Sanguinem Filii tui Domini nostri Jesu Christi ita digne sumere ut merear per hoc remissionem omnium peccatorum meorum accipere et tuo Sancto Spiritu repleri; et pacem tuam habere; Quia tu es Deus solus, et præter te non est alius, cujus regnum et imperium gloriosum sine fine permanet in sæcula sæculorum. Amen.

Hic osculetur Sacerdos corporalia in dextera parte et summita-tem Calicis, et postea osculetur diaconum, dicens:

Pax tibi et Ecclesiæ Dei.

Responsio. Et cum spiritu tuo.

Diaconus a dextris Sacerdotis ab eo Pacem recipiat et subdiacono porrigat. Deinde ad gradum Chori ipse diaconus Pacem portet rectoribus Chori et ipsi Pacem Choro portent, uterque suæ parti, incipiens a majoribus.

Post Pacem datam dicat Sacerdos orationes sequentes privatim antequam se communicet, tenendo Hostiam duabus manibus.

Prayers & Reception

DEUS Pater, fons et origo totius bonitatis, qui ductus misericordia Unigenitum tuum pro nobis ad infima mundi descendere et carnem sumere voluisti, quam ego indignus hic in manibus meis teneo:

Hic inclinet se sacerdos ad hostiam, dicens:

Te adoro, te glorifico, te tota mentis ac cordis intentione laudo: Et precor ut nos famulos tuos non deseras, sed peccata nostra dimittas, quatenus tibi soli vivo ac vero Deo, puro corde et casto corpore servire valeamus; Per eundem Christum Dominum nostrum. Amen.

DOMINE Jesu Christe, Fili Dei vivi, qui ex voluntate Patris, co-operante Spiritu Sancto, per mortem tuam mundum vivificasti, Libera me, quæso, per hoc sacrosanctum Corpus et hanc Sanguinem tuum a cunctis iniquitatibus meis et ab universis malis: Et fac me tuis semper obedire mandatis: Et a te nunquam in perpetuum separari permittas, Salvator mundi; Qui cum Deo Patre et eodem Spiritu Sancto vivis et regnas Deus, per omnia sæcula sæculorum. Amen.

CORPORIS et Sanguinis tui, Domine Jesu Christe, Sacramentum, quod licet indignus accipio, non sit mihi judicio et condemnationi; sed tua prosit pietate corporis mei et animæ saluti. Amen.

Ad Corpus dicat cum humiliatione antequam percipiat,

AVE in aeternum, sanctissima Caro Christi, mihi ante omnia et super omnia summa dulcedo. Corpus Domini nostri Jesu Christi sit mihi peccatori via et vita,

In Nomine Patris et Filii et Spiritus Sancti. Amen.

Hic sumat Corpus cruce prius facta cum ipso Corpore ante os.

Deinde ad Sanguinem cum magna devotione dicens,

AVE in aeternum cælestis potus, mihi ante omnia et super omnia summa dulcedo. Corpus et Sanguis Domini nostri Jesu Christi prosint mihi peccatori ad remedium sempiternum in vitam æternam. Amen.

In Nomine Patris et Filii et Spiritus Sancti. Amen.

Hic sumat Sanguinem: quo sumpto inclinet se Sacerdos et dicat cum devotione orationem sequentem,

Gratias tibi ago, Domine, Sancte Pater, Omnipotens æterne Deus, qui me refecisti de sacratissimo Corpore et Sanguine Filii tui Domini nostri Jesu Christi: Et precor ut hoc sacramentum salutis nostrae, quod sumpsi indignus peccator, non veniat mihi ad judicium neque ad condemnationem pro meritis meis; sed ad profectum corporis mei et animae saluti in vitam æternam. Amen.

Prayers at Ablutions

Qua dicta eat sacerdos ad dextrum cornu altaris cum calice inter manus, digitis adhuc conjunctis sicut prius; el accedat subdiaconus, et effundat in calicem vinum et aquam; et resinceret sacerdos manus suas, ne aliquæ reliquiæ corporis vel sanguinis remaneant in digitis vel in calice . . .

Post primam ablutionem dicitur hæc oratio:

Quod ore sumpsimus, Domine, pura mente capiamus: et de munere temporali fiat nobis remedium sempiternum.

Hic lavet digitos in concavitate calicis cum vino infuso a subdiacono; quo hausto, sequatur oratio:

Hæc nos communio, Domine, purget a crimine, et cælestis remedii faciat esse consortes.

Post perceptionem ablutionum ponat sacerdos calicem super patenam, ut si quid remaneat stillet; et postea inclinando se dicat:

Adoramus crucis signaculum per quod salutis sumpsimus sacramentum.

Deinde lavet manus: diaconus interim corporalia complicet. Ablutis manibus et redeunte sacerdote ad dextrum cornu altaris, diaconus calicem porrigat ori sacerdotis, si quid infusionis in eo remanserit resumendum. Postea dicat cum suis ministris Communionem. Deinde facto signo crucis in facie vertat se ad populum, elevatisque aliquantulum brachiis et junctis manibus dicat,

Dominus vobiscum.

Et iterum revertens se ad altare dicat:

Oremus.

Post-communion

Deinde dicat Postcommunionem, juxta numerum et ordinem anledictarum orationum ante Epistolam.

[Here is inserted the post-communion prayer, which varied from day to day.]

Finita ultima Postcommunione, factoque signo crucis in fronte, iterum vertat se sacerdos ad populum, et dicat:

Dominus vobiscum. Deinde diaconus: Benedicamus Domino. In alio vero tempore dicitur, Ite missa est. Quotiescunque enim dicitur, Ite, missa est, semper dicitur ad populum convertendo, et cum dici debeat, Benedicamus Domino, convertendo ad altare dicitur.

Closing Prayer

His dictis, Sacerdos, inclinato corpore junctisque manibus tacita voce coram altari in medio, dicat hanc orationem,

PLACEAT tibi, Sancta Trinitas, obsequium servitutis meae: Et praesta ut hoc sacrificium, quod oculis tuae Majestatis indignus obtuli, sit, te miserante, propitiabile; Qui vivis et regnas Deus per omnia sæcula sæculorum. Amen.

Qua finita erigat se Sacerdos signans se in facie sua, dicens,

In Nomine Patris et Filii et Spiritus Sancti. Amen.

Et sic inclinatione facta, eo ordine, quo prius accesserunt ad altare jn principio missæ, sic induti cum ceroferariis et cæteris ministris redeant. Sacerdos vero in redeundo dicat Evangeliuin: In principio.

[At this point the priest recites John 1:1-14.]

Cum vero Sacerdos exuerit casulam et alia indumenta sacerdotalia, dicat Psalmos subscriptos cum Antiphona Trium puerorum. Ps. Benedicite sacerdotes usque ad finem cantici. Ps. Laudate Dominum in Sanctis ejus. Ps. Nunc dimittis cum Gloria Patri et Sicut erat.

Deinde dicitur tota Antiphona,

Trium puerorum cantemus hymnum quem cantabant in camino ignis benedicentes Dominum.

PRÆFATIONES PROPRIÆ

Christmas

De Nativitate Domini.

Hæc Præfatio dicitur in Nativitate Domini ad omnes missas, et quotidie per hebdomadam, et in die Circumcisionis, et in omnibus missis de Sancta Maria ab hac die usque ad Purificationem, et etiam in die Purificationis. Dicatur etiam in missis de Corpore Christi. Dicatur etiam in Festo Corporis Christi et in Octavis ejusdem, et infra, quando de eo fit servitium. Dicatur etiam in commemoratione ejusdem. Communicantes vero dicitur tantum usque ad Circumcisionem et in die Circumcisionis.

Æterne Deus; Quia per incarnati Verbi mysterium nova mentis nostra oculis lux tua claritatis infulsit: ut dum visibiliter Deum cognoscimus, per hunc in invisibilium amorem rapiamur.

Et ideo cum Angelis etArchangelis, cum Thronis ac Do-minationibus, cumque omni militiacaelstis exercitus, hymnum gloriaetuae canimus, sine fine dicentes:

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Nota quod infra Canonem ad primam missam in nocte Nativitatis Domini dicitur Communicantes et noctem sacratissimam, etc. Ad omnes alias missas dicitur diem sacratissimum.

COMMUNICANTES et diem sacratissimum celebrantes, quo beata Maria intemerata virginitas huic mundo edidit Salvatorem; Sed et memoriam venerantes Inprimis ejusdem gloriosa semper Virginis Mariæ genetricis ejusdem Dei et Domini nostri Jesu Christi; Sed et beatorum Apostolorum ac Martyrum tuorum Petri et Pauli, Andreæ, Jacobi, Johannis, Thomæ, Jacobi, Philippi, Bartholomæi, Matthæi, Simonis, et Thaddæi, Lini, Cleti, Clementis, Sixti, Cornelii, Cypriani, Laurentii, Chrysogoni, Johannis et Pauli, Cosmæ et Damiani, et omnium sanctorum tuorum, quorum meritis precibusque concedas; ut in omnibus protectionis tuie muniamur auxilio; Per eundem Christum Dominum nostrum. Amen.

Epiphany

IN DIE EPIPHANÆ, et per Octavas et in Octavis.

Æterne Deus; Quia cum Unigenitus tuus in substantia nostra carnis apparuit, in novam nos immortalitatis sua lucem reparavit.

Et ideo cum Angelis etArchangelis, cum Thronis ac Do-minationibus, cumque omni militiacaelstis exercitus, hymnum gloriaetuae canimus, sine fine dicentes:

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Infra Canonem.

COMMUNICANTES et diem sacratissimum celebrantes quo Unigenitus tuus in tua tecum gloria coæternus, in veritate carnis nostra visibiliter corporalis apparuit; Sed et memoriam venerantes, Inprimis gloriosæ semper Virginis Maria genetricis ejusdem Dei et Domini nostri Jesu Christi; Sed et beatorum Apostolorum ac Martyrum tuorum Petri et Pauli, Andreæ, Jacobi, Johannis, Thomæ, Jacobi, Philippi, Bartholomæi, Matthæi, Simonis, et Thaddæi, Lini, Cleti, Clementis, Sixti, Cornelii, Cypriani, Laurentii, Chrysogoni, Johannis et Pauli, Cosmæ et Damiani, et omnium sanctorum tuorum, quorum meritis precibusque concedas; ut in omnibus protectionis tuie muniamur auxilio; Per eundem Christum Dominum nostrum. Amen.

Lent

IN FERIA IV. IN CAPITE JEJUNII. Et in omni missa de jejunio abhinc usque ad Cœnam Domini.

Æterne Deus; Qui corporali jejunio vitia comprimis, mentem elevas, virtutem largiris et præmia; Per Christum Dominum nostrum;

Per quem majestatem tuam laudant Angeli, venerantur Archangeli: Throni, Dominationes, Virtutes, Principatus, et Potestates adorant. Quem Cherubim, et Seraphim socia exultatione concelebrant. Cum quibus et nostras voces, ut admitti jubeas deprecamur, supplici confessione dicentes:

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Nota quod in Dominicis per Quadragesimam dicitur Præfatio quotidiana, Per quem Majestatem.

In Cœna Domini etiam Præfatio quotidiana dicitur, et Infra Canonem tam ab episcopo quam a sacerdote dicitur.

COMMUNICANTES et diem sacratissimum celebrantes quo Dominus noster Jesus Christus pro nobis traditus est; Sed et memoriam venerantes, Inprimis gloriosa semper virginis Mariæ genetricis ejusdem Dei et Domini nostri Jesu Christi; Sed et beatorum Apostolorum ac Martyrum tuorum Petri et Pauli, Andreæ, Jacobi, Johannis, Thomæ, Jacobi, Philippi, Bartholomæi, Matthæi, Simonis, et Thaddæi, Lini, Cleti, Clementis, Sixti, Cornelii, Cypriani, Laurentii, Chrysogoni, Johannis et Pauli, Cosmæ et Damiani, et omnium sanctorum tuorum, quorum meritis precibusque concedas; ut in omnibus protectionis tuie muniamur auxilio; Per eundem Christum Dominum nostrum. Amen.

Hanc igitur oblationem servitutis nostra, sed et cunctæ familiæ tuæ, quam tibi offerimus ob diem in qua Dominus noster Jesus Christus tradidit discipulis suis Corporis et Sanguinis sui mysteria celebranda, quæsumus, Domine, ut, etc.

QUAM oblationem, etc.

Qui pridie quam pateretur pro nostra omniumque salute hoc est hodie, accepit panem in sanctas et venerabiles manus suas; et, elevatis oculis in cœlum ad te Deum Patrem, etc.

Easter

IN DIE PASCHÆ, et per totam hebdomadam et in omnibus Dominicis usque ad Ascensionem, quando de Dominica sive de Pascha dicitur missa. Sed in vigilia Paschæ tantum dicitur in Præfatione, Sed in hac potissimum nocte. Communicantes vero et Hanc igitur per hebdomadam et in octavis Paschæ tantum dicuntur: ita quod in vigilia Paschæ tantum dicitur noctem sacratissimam; in die vero Paschæ et alias quando dicitur, dicitur diem sacratissimum.

Æterne Deus; Et te quidem omni tempore, sed in hac potissimum die gloriosius prædicare, cum Pascha nostrum immolatus est Christus. Ipse enim verus est Agnus qui abstulit peccata mundi, qui mortem nostram moriendo destruxit, et vitam resurgendo reparavit.

Et ideo cum Angelis etArchangelis, cum Thronis ac Do-minationibus, cumque omni militiacaelstis exercitus, hymnum gloriaetuae canimus, sine fine dicentes:

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Infra Canonem.

COMMUNICANTES et diem sacratissimum (vel et noctem sacratissimam) celebrantes Resurrectionis Domini nostri Jesu Christi secundum carnem, Sed et memoriam venerantes, In primis gloriosæ semper virginis Mariæ, genetricis ejusdem Dei et Domini nostri Jesu Christi, Sed et beatorum Apostolorum ac Martyrum tuorum Petri et Pauli, Andreæ, Jacobi, Johannis, Thomæ, Jacobi, Philippi, Bartholomæi, Matthæi, Simonis, et Thaddæi, Lini, Cleti, Clementis, Sixti, Cornelii, Cypriani, Laurentii, Chrysogoni, Johannis et Pauli, Cosmæ et Damiani, et omnium sanctorum tuorum, quorum meritis precibusque concedas; ut in omnibus protectionis tuie muniamur auxilio; Per eundem Christum Dominum nostrum. Amen.

HANC igitur oblationem servitutis nostræ, sed et cunctæ familiæ tuæ, quam tibi offerimus pro his quoque quos regenerare dignatus es ex aqua et Spiritu Sancto, tribuens eis remissionem omnium peccatorum, quæsumus, Domine, ut etc.

Ascension

IN DIE ASCENSIONIS DOMINI, et per octavas, et in octavis, et in Dominica infra octavas quando cle Dominica agitur.

Æterne Deus; Per Christum Dominum nostrum, Qui post Resurrectionem suam omnibus discipulis suis manifestus apparuit et ipsis cernentibus est elevatus in cœlum, ut nos divinitatis suæ tribueret esse participes.

Et ideo cum Angelis etArchangelis, cum Thronis ac Do-minationibus, cumque omni militiacaelstis exercitus, hymnum gloriaetuae canimus, sine fine dicentes:

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Day of Pentecost

IN DIE PENTECOSTES, et per hebdomadam, et in omnibus missis de Sancto Spiritu.

Communicantes et Hanc igitur in die Pentecostes, et abhinc usque ad festum Sanctæ Trinitatis dicuntur tantum.

Æterne Deus; Per Christum Dominum nostrum, Qui ascendens super omnes cœlos, sedensque ad dexteram

tuam promissum Spiritum Sanctum hodierna die in filios adoptionis effudit. Quapropter profusis gaudiis totus in orbe terrarum mundus exultat, sed et supernæ virtutes atque angelicæ potestates hymnum gloriæ tuæ concinunt, sine fine dicentes,

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Infra Canonem.

COMMUNICANTES et diem sacratissimum Pentecostes cele-brantes, quo Spiritus Sanctus apostolis in igneis linguis apparuit; Sed et memoriam venerantes, In primis, etc.

HANC igitur oblationem servitutis nostræ, sed et cunctæ familiæ ture, quam tibi offerimus pro his quoque quos regenerare dignatus es ex aqua et Spiritu Sancto, tribuens eis remissionem omnium peccatorum, quæsumus, Domine, ut etc.

Trinity Sunday until Advent

IN FESTO TRINITATIS, et in omnibus Dominicis usque ad Adventum Domini, et in omni missa sponsalium.

Æterne Deus; Qui cum Unigenito Filio tuo et Spiritu Sancto unus es Deus, unus es Dominus, non in unius singularitate Personæ, sed in unius Trinitate Substantiæ. Quod enim de tua gloria revelante te credimus, hoc de Filio tuo, hoc de Spiritu Sancto, sine differentia discretionis sentimus : Ut, in confessione veræ sempiternæque Deitatis, et in Personis proprietas et in Essentia unitas et in Majestate adoretur æqualitas: Quam laudant Angeli atque Archangeli, Cherubim quoque ac Seraphim, qui non cessant clamare, una voce dicentes,

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Feasts of Apostles

IN FESTIS APOSTOLORUM, et Evangelistarum, præterquam in festo Sancti Johannis Ap. et Evan. in hebdomada Nativitatis Domini. In Octavis vero ejusdem dicetur, et in Festo ejus in tempore Paschali.

Æterne Deus; Et te, Domine, suppliciter exorare ut gregem tuum, Pastor æterne, non deseras, sed per beatos Apostolos tuos continua protectione custodias; ut iisdem rectoribus gubernetur quos operis tui vicarios eidem contulisti præesse pastores.

Et ideo cum Angelis etArchangelis, cum Thronis ac Do-minationibus, cumque omni militiacaelstis exercitus, hymnum gloriaetuae canimus, sine fine dicentes:

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.

Feasts of the Holy Cross

IN UTROQUE FESTO SANCTÆ CRUCIS, et in Commemorationibus ejusdem per totum annum.

Æterne Deus; Qui salutem humani generis in ligno crucis constituisti, ut unde mors oriebatur, inde vita resurgeret, et qui in ligno vicerat in ligno quoque vinceretur; Per Christum Dominum nostrum; Per quem Majestatem tuam laudant angeli, etc.

Feasts of the Blessed Virgin Mary

IN OMNI FESTO B. MARIÆ V.

Æterne Deus; Et te in veneratione beatæ et gloriosæ semper Virginis Mariæ exsultantibus animis laudare, benedicere, et prædicare: Quae et Unigenitum tuum Sancti Spiritus obumbratione concepit, et, virginitatis gloria permanente, huic mundo lumen æternum effudit Jesum Christum Dominum nostrum;

PER quem Majestatem tuam laudant angeli, adorant domina-tiones, tremunt potestates, cœli cœloramque virtutes ac beata Seraphin socia exsultatione concelebrant.

CUM quibus et nostras voces ut admitti jubeas deprecamur, supplici confessione dicentes,

Sanctus, Sanctus, Sanctus, Dominus Deus Sabaoth. Pleni sunt cœli et terra gloria tua. Hosanna In Excelsis. Benedictus qui venit in nomine domini. Hosanna in excelsis.